آذرقلم
تاریخ : 5. آذر 1394 - 18:29   |   کد مطلب: 1896
در این شب جمعه با خوانش شعری طنز از استاد زنده یاد حمید آرش آزاد شاعر طنز پرداز آذربایجان، نام و یاد او را زنده نگه می داریم:

در این شب جمعه با خوانش شعری طنز از استاد زنده یاد حمید آرش آزاد شاعر طنز پرداز آذربایجان، نام و یاد او را زنده نگه می داریم:

دونیادا هرکیمی‌کی سالمیش سن‌له اُلفت، دستمال

اوز قوْیور دایم اوْنا بوْللو سعادت، دستمال

«توکیو»، «لندن»، «مانهاتان»، «پاریس»‌ده‌مین‌لر«بورس»اولا

هئچ باجارمازلار سنه قوْیسونلا قیمت، دستمال

«قیصریه» یا «امیر» اوْلسون، یا اصلاً هر بازار

سن‌دن اؤترو، وار یئری اوْدلانسا راحت، دستمال

«دئزدئموونا» آدلی، شوخ یارین بوْغوب، اؤلدورسه‌ده

ائتمه‌ییب هئچ وقت «اوْتئللو» بیر جنایت، دستمال

عقلی ناقص آرواد ایدی، بیلمه‌دی قدرین سنین

چون‌کی بیلسه‌یدی، بیرآن ائتمه‌زدی غفلت، دستمال

کیم‌کی غافل اوْلدو سن‌دن، هیچ ترقی ائیله‌مز

حتی یوز ایل ائتسه دوزگون‌لوک‌له خدمت، دستمال

تک زیرک‌لردیر بیلر عالم‌ده قدرین ـ قیمتین

وار وجودوندا سنین مین‌لرله حکمت، دستمال

هر «رئیس»، یاکی «مدیر» گلدی، منه هئچ فرقی یوخ

سن‌له اثبات ائیله‌رم تئزجه ارادت، دستمال

دوزدو من‌ده یوخ سواد، اصلاً هئچ ایش‌ده بیلمه‌رم

سن‌کی وارسان‌ ال‌ده، گؤستررم لیاقت، دستمال

بیر «قشوْو» چکسن، نئجه «اوزدن ایراق» لار خوْش‌لانار

اوز وئریر چوْخ باشچی‌یا، سن‌له اوْ حالت، دستمال

فرقی یوْخ، اوْلسون «فرانسه» یاکی «کرمانشاه» یاغی

سن‌له سورتولسه، ائده‌ر ایش‌ده قیامت، دستمال

بیرده گؤردون رتبه‌م آرتیبدیر، معاون اوْلموشام

بلکه‌ده قسمت اوْلا بیرگون ریاست، دستمال

ایل‌ده اوچ- دؤرد یوْل یازیلدی خارجی مأموریت

ائیله‌دیم هر اؤلکه‌ده دوْرد آی اقامت، دستمال

اهل- عیال، شخصیتیم، روحوم سنه قوربان اوْلا

ائیله‌رم من پول- مقام اوْلسا، قناعت دستمال

چون‌کی «آرش» غفلت ائتمیش سن‌دن هر گون- هر زمان

حشر اوْلونجا وار یئری چکسه فلاکت، دستمال

مخاطبین محترم

۱) گلشن راز، نظراتی را که حاوی توهین، هتاکی و افترا باشد را منتشر نخواهد کرد .
۲) از انتشار نظراتی که فاقد محتوا بوده و صرفا انعکاس واکنشهای احساسی باشد جلوگیری خواهد شد .
۳) لطفا جهت بوجود نیامدن مسائل حقوقی از نوشتن نام مسئولین و شخصیت ها تحت هر شرایطی خودداری نمائید .
۴) لطفا از نوشتن نظرات خود به صورت حروف لاتین (فینگلیش) خودداری نمایید .
۵) در صورت وارد کردن ایمیل خود ، پس از تعیین تکلیف نظر موضوع به اطلاع شما خواهد رسید .

دیدگاه شما

آخرین عناوین سایت